25 апр 13:30
Янгиликлар

Бокс/ММА

Дэвид Бенавидес Сауль Альваресни қўрқоқликда айблади

Америкалик чемпион Дэвид Бенавидеснинг ишончи комилки, Сауль "Канело" Альварес узоқ вақт давомида у билан рингда учрашишдан онгли равишда қочиб келмоқда.

"У шунчаки қўрқади. Бор гап шу. Канелога бўлган ҳурматим билан... Чунки у боксда эришиш мумкин бўлган ҳамма нарсага эришди. Мен жуда узоқ вақт давомида икки вазнда мажбурий даъвогар бўлиб келдим. У эса мен билан жанг қилишни истамаслигини билдирди. Жуда ачинарли, чунки ҳамма бу жангни кўришни орзу қилган эди", - дея Бенавидеснинг сўзларини келтиради Boxing News 24/7.

Эслатиб ўтамиз, 2 май куни Дэвид биринчи оғир вазн тоифасида WBO ва WBA чемпиони Хильберто Рамиресга қарши рингга кўтарилади. Кейин 29 ёшли Бенавидес россиялик Дмитрий Бивол билан учрашиш учун ярим оғир вазн тоифасига қайтишни режалаштирмоқда.