17 сен 08:47
Янгиликлар

Теннис

Дэвис Кубоги. Бугун Норвегия - Ўзбекистон баҳси бошланади (Қуръа натижаси)

Бугун Осло шаҳрида теннис бўйича норасмий жаҳон чемпионати ҳисобланган Дэвис Кубогининг жаҳон гуруҳи биринчи босқичидан ўрин олган Норвегия ва Ўзбекистон терма жамоалари ўртасидаги учрашув бошланади.

Кеча ушбу жуфтлик ўйинларига қуръа ташлаш маросими бўлиб ўтди. Унга кўра, терма жамоалар ўртасидаги қарама-қаршиликни дунёнинг 10-ракеткаси бўлиб турган Каспер Рууд ҳамда ATP рейтингида 418-поғонадан жой олиб турган Ҳумоюн Султонов учрашуви бошлаб беради.

Иккинчи учрашувда мамлакатимизнинг биринчи ракеткаси Денис Истомин рейтингнинг 381-поғонасини банд этган Виктор Дурасовичга қарши кортга чиқади. Истомин ATP рейтингидан 226-поғонада қайд этилган.