13 сен 16:22
Янгиликлар
Теннис
"Дэвис кубоги". Ҳумоюн Султоновда ғалаба. Кунни дуранг билан якунладик
Тошкентдаги "Юнусобод" спорт мажмуаси теннис кортларида "Дэвис кубоги" мусобақаси доирасидаги Ўзбекистон - Эстония баҳсининг илк кунги ўйинлари якунланди.
Куннинг илк ўйинида иккинчи ракеткамиз Сергей Фомин (537) эстониялик Марк Лаялга қарши (224) имкониятни бой бериб қўйди — 4:6, 6:4, 6:7 (6:8).
Бироз олдин якунланган иккинчи беллашувда эса мамлакатимизнинг биринчи ракеткаси Ҳумоюн Султонов (236) Кристиан Таммга (978) қарши кортга чиқди.
1 соат, 46 дақиқа давом этган беллашувда Султонов 7:6 (7:2), 6:4 ҳисобида зафар қучди.
Шу тариқа, илк кунги ўйинлардан сўнг ҳисоб 1:1 кўринишига келди.
Эртага ўтказиладиган ўйинлар:
Ҳумоюн Султонов/Сергей Фомин - Йоханнес Сеем/Сиим Троост (Эстония)
Ҳумоюн Султонов - Марк Лаяль (Эстония)
Сергей Фомин - Кристиан Таам (Эстония).
Ҳавола :
Манба : olamsport.com
Фикрлар