14 сен 17:58
Янгиликлар

Теннис

Дэвис Кубоги. Ливан - Ўзбекистон 2:2. Файзиев ютқазиб қўйди

Теннис бўйича Ўзбекистон терма жамоаси Дэвис Кубогининг Осиё-Океания минтақаси саралаш босқичидаги иштирокини давом эттирмоқда.

Фаррух Дўстов сардорлигидаги теннисчиларимиз Жуния шаҳрида Ливан терма жамоаси меҳмони бўлишяпти. Кеча старт олган баҳсларда мамлакатимизнинг биринчи ракеткаси Денис Истомин иштирок этмаяпти. У айни пайтда Туркиянинг Истанбул шаҳрида ўтаётган турнирда муваффақиятли қатнашяпти.

Афсуски, ҳозиргина Ливан - Ўзбекистон учрашувида ҳисоб яна тенглашди. Жуфтликдаги ғалабадан сўнг Санжар Файзиев яккаликда Бенжамин Ҳассанга 6:2, 3:6, 4:6 ҳисобида имкониятни бой бериб қўйди. Бироздан сўнг ҳал қилувчи бешинчи баҳсда Ҳумоюн Султонов Ҳади Ҳабибга қарши кортга чиқади.