03 дек 09:33
Янгиликлар

Теннис

"Дэвис Кубоги". Медведев Россияни 1/2 финалга олиб чиқди

Теннис бўйича норасмий жаҳон чемпионати ҳисобланган "Дэвис Кубоги" турнири ўзининг ҳал қилувчи палласига кирди.

Чорак финалнинг сўнгги қарама-қаршилигида Россия терма жамоаси Швециядан 2:0 ҳисобида устун келди. Биринчи учрашувда Андрей Рублёв рақибидан устун келганди.

Иккинчи баҳсда дунёнинг иккинчи ракеткаси Даниил Медведев ATP рейтингида 94-поғонадан жой олиб турган Микаэль Имерни 6/4, 6/4 ҳисобида мағлубиятга учратди. Россия терма жамоаси энди финал чиптаси учун германиялик теннисчиларга қарши баҳс олиб боради.