01 фев 16:10
Янгиликлар
Теннис
"Дэвис кубоги". Ўзбекистон Босния ва Герцеговина терма жамоасига мағлуб бўлди
Тошкентда "Дэвис кубоги"нинг I Жаҳон гуруҳи доирасида Ўзбекистон ҳамда Босния ва Герцеговина терма жамоалари ўртасидаги учрашув ўз якунига етди.
Мазкур қарама-қаршиликдаги тўртинчи ўйинда бизнинг биринчи ракетка Ҳумоюн Султонов рақибларнинг биринчи рақамли теннисчиси Дамир Жумхурга қарши кортга чиқди.
2 соат 21 дақиқа давом этган ўйинда Ҳумоюн Султонов 4:6, 6:1, 3:6 ҳисобларида имкониятни бой берди.
Бунгача Ўзбекистон - Босния ва Герцеговина ўйинида қуйидаги натижалар қайд этилганди:
Ҳумоюн Султонов - Мирза Башич 6:4, 3:6, 7:6
Сергей Фомин - Дамир Жумхур 6:7, 3:6
Султонов/Фомин - Башич/Фатич 6:7, 6:7.
Шу тариқа, Ўзбекистон терма жамоаси мазкур қарама-қаршиликда 1:3 ҳисобида ютқазди ва шу босқичда ўз юришини тўхтатди.
Ҳавола :
Манба : olamsport.com
Фикрлар