14 сен 13:03
Янгиликлар

Теннис

Дэвис Кубоги. Ўзбекистон - Эстония 3:1. Султонов ҳал қилди!

Пойтахтимизда теннис бўйича норасмий жаҳон чемпионати ҳисобланган Дэвис Кубоги доирасидаги Ўзбекистон - Эстония учрашуви якуни сари яқинлашмоқда.

Хабар берганимиздек, II Жаҳон гуруҳи доирасидан ўрин олган ушбу қарама-қаршиликда бугун жуфтлик ҳамда яккалик баҳслари ўтказилмоқда. Ҳумоюн Султонов ва Сергей Фомин жуфтлиги Марк Лайал ҳамда Кристиан Там ҳамкорлигига қарши кортга чиқиб, ортиқча қийинчиликсиз ғалаба қозонганди - 6/0, 6/4.

Ҳозиргина якунига етган яккаликдаги Ҳумоюн Султонов - Марк Лайал учрашувида мамлакатимизнинг биринчи ракеткаси зафар қучди. Етмиш беш дақиқа давом этган баҳсда ҳамюртимиз рейтингда ўзидан юқорида бораётган рақибини 6/4, 6/1 ҳисобида енгди.

Таққослаш учун, Ҳумоюн дунё рейтингида 236, Марк эса 224-ўринни эгаллаб турибди. Яккаликнинг сўнгги учрашуви натижасидан қатъий назар Ўзбекистон терма жамоаси Эстониядан устун келди.