05 авг 13:40
Янгиликлар
Теннис
Дэвис кубоги. Ўзбекистон — Эстония ўйини қачон ва қайси аренада ўтказилиши маълум бўлди
Аввал хабар берганимиздек, теннис бўйича Ўзбекистон терма жамоаси Дэвис кубогининг II Жаҳон гуруҳи доирасида Эстонияга қарши ўйнайди.
Olamsport.com мазкур беллашув сентябрь ойида Тошкент шаҳрида ўтказилиши ҳақида хабар берган эди.
Маълум бўлишича, беллашувлар 13-14 сентябрь кунлари ташкил этилади. Мусобақага Тошкент шаҳридаги "Саховат Спорт Сервис" мажмуаси мезбонлик қилади.
Ўйинлар хард кортларида ўтказилади.
Эслатиб ўтамиз, Ўзбекистон теннис терма жамоаси "Дэвис кубоги"даги сўнгги ўйинини жорий йилнинг февраль ойида I Жаҳон гуруҳига саралаш доирасида Полшага қарши ўтказиб, 0:4 ҳисобида имкониятни бой берган эди. Эстония эса ўзининг охирги ўйинида Эронни 3:1 ҳисобида мағлуб этиб, II Жаҳон гуруҳига йўл олган эди.
Ҳавола :
Манба : olamsport.com
Фикрлар