28 ноя 09:28
Янгиликлар

Теннис

"Дэвис Кубоги". Қозоғистон терма жамоасида иродали ғалаба

Эркаклар терма жамоалари иштирокидаги теннис бўйича норасмий жаҳон чемпионати ҳисобланган "Дэвис Кубоги"нинг финал босқичи давом этмоқда.

Қозоғистон терма жамоаси Швецияга қарши кечган баҳсда 2:1 ҳисобидаги ғалабани тантана қилди. Аввалига швед Элиас Имер қозоғистонлик рақиби Михаил Кукушкинни мағлуб этди - 6/3, 7/6(4).

Кейин эса Александр Бублик Микаэль Имерни 3/6, 6/4, 6/0 ҳисобида мағлуб этиб, мувозанатни тиклади - 1:1.

Ҳал қилувчи жуфтликлар баҳсида эса Андрей Голубев ва Александр Недовесов Андре Горанссон ҳамда Роберт Линдстедт тандемини 6/3, 6/3 ҳисобида енгиб, Қозоғистон терма жамоасига иродали ғалабани тақдим этишди.