28 ноя 13:24
Янгиликлар

Теннис

"Дэвис Кубоги". Россия Эквадорга ҳеч қандай имконият қолдирмади

Норасмий жаҳон чемпионати ҳисобланган янги форматдаги "Дэвис Кубоги"да финал босқич баҳслари давом этмоқда.

Кучли таркибга эга Россия терма жамоаси Эквадорга қарши учрашувда 3:0 ҳисобида ғалаба қозонди. Аввалига дунёнинг бешинчи ракеткаси Андрей Рублёв ATP рейтингининг 291-поғонасидан жой олган Роберто Киросни 6/3, 4/6, 6/1 ҳисобида мағлуб этди.

Кейин сайёрамизнинг иккинчи ракеткаси Даниил Медведев рейтингнинг 149-поғонасини банд этиб турган Эмилио Гомесга иккита гейм совға қилди - 6/0, 6/2. Жуфтликлар баҳсида эса Андрей Рублёв ва Аслан Карацев ҳамкорлиги Гонсало Эскобар ва Диего Идальго тандемини 6/4, 4/6, 6/4 ҳисобида енгди.