Дэвис кубоги: Теннисчиларимизнинг Гонгконгга қарши ўйин учун таркиби маълум

Ўзбекистон теннис федерацияси матбуот хизмати теннис бўйича эркаклар жамоалари ўртасидаги Дэвис кубоги мусобақасидаги кейинги ўйинимиз бўйича маълумот берди.

Унда Ўзбекистон терма жамоаси Гонгконгга қарши ўйин ўтказади. Учрашувлар Victoria Park Tennis Stadium кортларида (томошабинлар сиғими — 3600) бўлиб ўтади. Мазкур стадион илгари ATP ва WTA даражасидаги йирик мусобақаларга мезбонлик қилган. Қоплама тури — қаттиқ, ўйинлар очиқ ҳавода, кундузги ёруғликда, зарурат туғилганда эса сунъий ёритиш остида ўтказилади.

Ўзбекистон терма жамоаси таркиби: 

Жамоа сардори — Денис Истомин 

мураббий — Пётр Лебед 

теннисчилар — Ҳумоюн Султонов, Сергей Фомин, Максим Шин, Амир Милушев, Абдулазиз Усмонжонов ва Дамир Абдусамадов.

Биринчи кунги ўйинлар 13 сентябрь маҳаллий вақт билан соат 11:00 да, иккинчи кунги баҳслар эса 14 сентябрь соат 11:00 да бошланади.