"Дэвис Кубоги"нинг 2021 йилги соҳиби маълум + ФОТО

Ҳал қилувчи финал учрашувида Россия ва Хорватия терма жамоалари ўзаро тўқнаш келишди. Баҳс тақдирини яккалик учрашувлари ҳал қилди. Аввалига дунёнинг бешинчи ракеткаси Андрей Рублёв ATP рейтингининг 279-поғонасидан жой олган Борна Годжони 6/4, 7/6(5) ҳисобида мағлуб этди.

Иккинчи яккалик учрашувида сайёрамизнинг иккинчи ракеткаси Даниил Медведев 30-ракетка Марин Чиличдан устун келди - 7/6(7), 6/2. Ушбу натижадан кейин жуфтликлар учрашувининг ўтказилишига ҳожат қолмади. 

Шу тариқа, Россия терма жамоаси учинчи бор (2002, 2006, 2021) "Дэвис Кубоги" соҳибига айланди. Россияликлар уч бор (1994, 1995, 2007) финалда ўйнашган эди. Бу йилги турнир давомида Медведев яккаликдаги барча 5 та учршувда ғалаба қозонди. Андрей Рублёв 4 та яккалик ва 2 та жуфтлик баҳсида зафар қучди.