31 окт 08:14
Янгиликлар

Бокс/ММА

Диего Лопес Алекс Волкановски билан Сиднейда жанг қилишга тайёр

Ярименгил вазн тоифаси UFC рейтингида учинчи ўринни эгаллаб турган Диего Лопес дивизион собиқ чемпиони Александр Волкановски билан жанг қилишга тайёрлигини айтди.

"Мен Александр Волкановски билан Сиднейда жанг қилишга тайёрман. Илия Топурия жангдан танаффус олиб, кейин Испанияда октагонга чиқмоқчи. Шундай экан, келинг, унга дам берайлик, Алекс билан "вақтинчалик" камар учун курашамиз. Менга Волкановскидан бошқа ҳеч ким билан жанг қилиш қизиқ эмас", дея Лопеснинг сўзларидан иқтибос келтиради ММА Junkie нашри.

Эслатиб ўтамиз, Волкановски сўнгги жангини 2024 йил февралида Илия Топурияга қарши ўтказиб, мағлуб бўлганди ва камаридан айрилганди.