Диетологимиз Украинадаги ўқув курсида иштирок этди

Ушбу тадбир Ўзбекистон Миллий олимпия қўмитаси ҳамда Украина Жисмоний тарбия ва спорт Миллий университети ҳамкорлигида ташкил этилди. Ўқув курсини ўтказишдан асосий мақсад Ўзбекистон ва Украина спорт шифокорлари ҳамда диетологлари ўртасида тажриба алмашиш, ҳамкорликни янги босқичга олиб чиқишдан иборат эди. 

Украина Жисмоний тарбия ва спорт Миллий университетида ўтказилган ўқув курсида Ўзбекистон дзюдо федерацияси диетологи Гулчеҳра Ҳасанова ҳам иштирок этди. Курс қатнашчиларига бевосита Олимпиада ва жаҳон чемпионларини тайёрлаган тажрибали мутахассислар сабоқ беришди. Уч кун давом этган ўқув курслари ўзбекистонлик мутахассислар учун фойдали бўлди.