09 июл 11:21
Янгиликлар

Бокс/ММА

Диллиан Уайт мураббийи билан хайрлашди

Британиялик боксчи Диллиан Уайт (27-1, 18 КО) мураббийи билан хайрлашишга қарор қилди.

Уайт ҳозирда россиялик Александр Поветкинга қарши кечадиган жангга тайёргарлик кўрмоқда. Диллианнинг айтишича, Марк Тиббс билан ҳамкорлик боксчи кутган натижани бермаган.

"Марк Тиббс билан ҳамкорликни тўхтатдим. Мен айни пайтда Португалияда ёш мураббий Марк қўл остида машғулотларни давом эттиряпман. Бу мураббийнинг Буюк Британияда ҳам ўз зали бор. Мен Марк Тиббс билан тўрт йил ишладим. Лекин натижа мен кутганчалик бўлмади. Марк ажойиб мураббий, мен уни худди отамдек ҳурмат қиламан. Ҳаммаси учун раҳмат", - деди Уайт.

Эслатиб ўтамиз, Поветкин - Уайт жанги 22 август куни британиялик таниқли промоутер, жанг ташкилотчиси Эдди Хирнга тегишли "Жанглар боғи"да бўлиб ўтади.