Диёра Келдиёрова Боку "Катта Дубулға" чемпиони!

Қувонарлиси, -52 кг вазндаги дзюдочимиз Диёра Келдиёрова нуфузли мусобақа ғолибасига айланди. Олимпия ўйинлари совриндори, италиялик Одетте Гюффридани вазари баҳоси эвазига мағлубиятга учратган Диёра финалда мўғулистонлик Сосорбарам Лҳагвасурендан устун келди. 

Диёра Келдиёрова олтин медаль билан бирга қимматли 1000 рейтинг очкосини ҳам қўлга киритди. Шундан 500 очко Париж-2024 Олимпиадаси рейтинги учун қўшилади.

Шу вазнда Сита Кадамбаева бронза медали учун кечган беллашувда полшалик Александра Калетани иппон баҳоси билан мағлубиятга учратиб, Боку "Катта Дубулға" турнирининг бронза медали ҳамда қимматли 500 рейтинг очкосига эга бўлди...