26 сен 11:44
Янгиликлар

Дзюдо, Фотогалерея

Диёра Келдиёровадан кутилган маҳорат сабоқлари ФОТОРЕПОРТАЖ

Париж-2024 Олимпиадаси чемпиони Диёра Келдиёрова ёш дзюдочи қизлар учун мастер-класс, яъни маҳорат сабоқларини ўтказди.

Ўзбекистон дзюдо федерацияси ташаббуси билан ташкил этилган "Judo Girls" клуби тарбияланувчилари бир соатдан ошиқроқ вақт давомида Ўзбекистон тарихидаги илк аёл Олимпиада чемпиони билан биргаликда машғулот ўтказиш бахтига муяссар бўлишди.

Диёранинг ўзи ҳам қизлар билан мириқиб шуғулланди. Беихтиёр болалик йилларига қайтгандек бўлди. Буни ўзи ҳам дзюдочи қизлар билан суҳбат давомида бир неча бор таъкидлади.

Умид қиламизки, бу машғулот дзюдога меҳр қўйган бу қизларимизни янги марралар сари, жаҳон ареналари томон етаклайди.