13 июл 11:10
Янгиликлар

Дзюдо

Диёра Келдиёровани табриклаймиз!

Бугун Осиё чемпиони, кадетлар ўртасида жаҳон чемпиони Диёра Келдиёрова ўз таваллуд айёмини нишонламоқда.

Диёра Келдиёрова Самарқанд вилоятининг Пастдарғом тумани Жума шаҳарчасида туғилган. Мураббийи - Хуршида Холиқова. Самарқанд давлат университетининг 3-босқич талабаси.

Диёра 2015 йил Босния ва Герцеговиниянинг Сараево шаҳрида ўтказилган кадетлар ўртасидаги жаҳон чемпионатида йўлидан чиққан барча рақибаларини мағлубиятга учратиб, олтин медални қўлга киритган. У ўтган йили Хитойнинг Циндао шаҳрида ўтган "Мастерс" турнирида бронза медалига эга чиққан.

Бугунги кун қаҳрамони ҳозирда -52 кг вазн тоифасида Токио Олимпиадаси йўлланмалари учун кураш олиб боряпти. Бу борада унга омад ва ғалаба тилаймиз. Таваллуд кун муборак, Диёра!