20 сен 17:38
Янгиликлар

Дзюдо

Диёрбек Ўрозбоев Тошкент Гран-присининг бронза медалини қўлга киритди

Тошкентда давом этаётган дзюдо бўйича Гран-при мусобақанинг кечки дастурига старт берилди.

Бироз аввал -60 килограмм вазн тоифасида ҳамюртимиз Диёрбек Ўрозбоев бронза медали учун татамига чиқди.

Туркиялик Михрач Аккушга қарши баҳс олиб борган Рио Олимпиадасининг совриндори ёш рақибига ҳақиқий маҳорат дарсини кўрсатиб берди ва беллашувни ўз фойдасига ҳал қилди. Бу билан ҳамюртимиз Токио Олимпиадаси учун ўз ҳисобига 350 рейтинг очкосини ҳам қўшиб қўймоқда. Бироздан сўнг -66 килограмм вазн тоифасида бошқа бир вакилимиз Сардор Нуриллаев ҳам бронза медали учун татамига чиқади.