Дмитрий Биволнинг жамоаси Бетербиевга қарши жанг ҳакамлигига "протест" беради

Бу ҳақида унинг менежери Вадим Корнилов маълум қилди. 

"Ҳа, биз душанба куни шикоят ёзамиз. Барча билан келишиб, шундай қиляпмиз. Бу иш бермаслигини тушунамиз, аммо 116:112 ҳисобини қўйган ҳакам жавоб бериши керак. У нима қилиб қўйганини тушуниб турибди. Бу спорт учун ачинарли муаммо. 

Ҳакамлар билан дўст бўладиган супервайзерлар кўп. Улар промоутерлар билан қучоқлаб кўришишади. Бу катта схемага ўхшайди.

Бу ҳакам кўп жангларда қатнашган, у баҳсларда яхши ҳакамлик қилган. Агар уни яна барча зарбаларни санаб чиқишга мажбур қилишса, яхши бўларди. Қаерда у 116:112 ҳисобини кўрганини томоша қилишни истардим", - деди Корнилов.