23 июл 16:17
Янгиликлар
Бокс/ММА
Дмитрий Биволнинг навбатдаги жанги санаси маълум бўлди
Ярим оғир вазнда (79,4 кг гача) россиялик Жаҳон чемпиони Дмитрий Бивол навбатдаги жангини декабрь ойида ўтказади.
Бу ҳақда RCC Boxing промоутерлик компанияси бош директори Герман Титов маълум қилди.
«Ҳозирда Биволнинг келажаги юзасидан Matchroom билан музокаралар олиб бормоқдамиз. Шунингдек, Артур Бетербиевга қарши учинчи жанг масаласи ҳам муҳокама қилинади. Бироз сабр қилинг, яқин орада барчаси ойдинлашади. Ҳозирча айта оладиганим шуки, бизда жанг санаси ва манзили аниқ: 12 декабрь, Екатеринбург шаҳри, “УГМК Арена”. Музокаралар давом этмоқда, Дмитрий Биволнинг эҳтимолий рақиби бўйича бир нечта вариант мавжуд», — деди Титов «Матч ТВ»га берган интервьюсида.
Эслатиб ўтамиз, Дмитрий Бивол сўнгги жангини май ойида ўтказиб, германиялик Михаэль Айфертни ҳакамларнинг якдил қарори билан мағлуб этган эди.
Ҳавола :
Манба : RCC Boxing
Фикрлар