28 мар 07:32
Янгиликлар

Қишки спорт турлари

Дмитрий Чигирёв: "Олимпиадада Ўзбекистон номидан қатнашиш биз учун катта шараф"

Фигурали учишнинг жуфтлик йўналиши бўйича Ўзбекистон терма жамоаси аъзолари Екатерина Гейниш ва Дмитрий Чигирёв кеча бўлиб ўтган қисқа дастурдаги чиқишидан кейин ўз фикрлари билан ўртоқлашди.

"Биз бугунги чиқишимиздан мамнунмиз. Мақсадимиз қўлимиздан келадиган ҳамма нарсани кўрсатиб, музда ҳис-туйғуларимизни намойиш этишдир", деди Екатерина.

Дмитрий эса қандай қилиб Ўзбекистон вакилига айланганини эслади:

"Мен Ўзбекистондаги университетда ўқишни режалаштиргандим, буни мураббийларим билан муҳокама қилдим ва шу тариқа Ўзбекистон вакили бўлиш ғояси пайдо бўлди. Екатерина биз билан биргаликда бунга рози бўлди, унга ҳам бу ғоя жуда ёққанди. Бизда Олимпиада учун пасспортларимиз бор. Олимпиадада Ўзбекистон номидан қатнашиш биз учун катта шараф бўлади", деди Чигирёв.

Бугун спортчиларимиз эркин дастурда иштирок этади. Юқори ўрин улар учун 2026 йилда Милан ва Кортинада ўтадиган Олимпия ўйинларига йўлланма беради.