Дональд Трамп ЖЧ-2026 якунларини сарҳисоб қилди: "Бу тарихдаги энг хавфсиз ва томошабоп жаҳон чемпионати бўлди"

Турнир 11 июндан 19 июлга қадар АҚШ, Канада ва Мексикада бўлиб ўтди. Финалда Аргентинани 1:0 ҳисобида мағлуб этган Испания терма жамоаси турнир ғолибига айланди.

"Жаҳон чемпионати улкан муваффақият билан ўтди! Мен барча иштирокчиларга, айниқса, бизнинг ажойиб ҳуқуқ-тартибот органлари ходимларига миннатдорчилик билдирмоқчиман. Уларга бўлган ҳурмат ва уларнинг мамлакатимизга бўлган муҳаббати ушбу гўзал чемпионатни тарихдаги энг хавфсиз ва томошабоп мундиалга айлантирди!

Барча мутасаддиларга, хусусан, АҚШ ҳукуматида ишловчи ёш ва ғайратли Эндрю Жулианига, шунингдек, амалга оширган ишлари учун ФИФАнинг фантастик президенти Жанни Инфантинога раҳмат! Жаҳон чемпионатини ҳеч ким кутмаган даражага кўтариб, у эришган натижаларга жуда кам одам эриша олади. Барчани табриклайман!" – деб ёзди Трамп.