Дональд Трамп: "Оқ уй яқинидаги UFC аренаси абадий қолиши мумкин"

Бу ҳақда АҚШ раҳбари Дональд Трамп ушбу иншоотни Париждаги Эйфель минорасига қиёслаган ҳолда маълум қилди.

"Кўпчилик Париждаги Эйфель минораси 1889 йилда қурилганини билмайди. Уни Бутунжаҳон кўргазмасидан сўнг дарҳол бузиб ташлашлари керак эди. Аммо кейин одамлар: "Биласизми, у бизга ёқди. Келинг, уни яна бир муддат қолдирайлик. Кейин яна узоқроқ қолдиришга қарор қилишди, кейин яна узоқроқ ва яна узоқроқ. Охир-оқибат уни ҳеч қачон бузишмади.

Биласизми, биз Оқ уй олдида бир нарса қуряпмиз, бу кўпчилик учун жуда жозибали кўринади. 14 июнь куни у ерда катта UFC турнири бўлиб ўтади. Мен бу иншоотга қараб ўйлайман: эҳтимол, биз уни ҳеч қачон олиб ташламасмиз", - деди Трамп ижтимоий тармоқда эълон қилинган видеода.

Америка мустақиллигининг 250 йиллигига бағишланган бўлажак тадбирнинг асосий воқеалари енгил ва оғир вазн тоифасидаги чемпионлик жанглари бўлади.