Дўсматов ва Холдаров вазн ўлчаш маросимида иштирок этди + ФОТО

Бугун тонг саҳарда оқшом иштирокчилари анъанага кўра вазн ўлчаш ҳамда Face to Face маросимларида ҳозир бўлишди. Биринчи ўта енгил вазн (48,8 кг) тоифасидаги чарм қўлқоп устамиз Ҳасанбой Дўсматов ҳамда унинг рақиби Мойзес Гуттерез (10-2, 5КО) белгиланган вазн меъёрини бажаришди. 

Супер ярим ўрта вазн тоифасида ҳаракат қилаётган Иқболжон Холдаров ва унинг рақиби Рамон Баражас ҳам тарозидаги "миссия"ларини муваффақиятли уддалашди. Ҳар икки боксчимизнинг ҳам рақиби мексикалик чарм қўлқоп усталари бўлади.

Ҳасанбой проф рингда 4 та, Иқболжон эса 2 та жангда ғалаба қозонган. Дуранг ва мағлубият йўқ. Мексикадаги бокс кечаси бизнинг вақт билан 22 май тонгида бўлиб ўтади.