Дўстимни хотирлаб

Оддий, камсуқум бу йигит спорт жонкуяри эди. Мен спортчи бўлмасамда, касбим тақозоси билан спортга ошно эдим. Бу хислатлар бизни яқинлаштирган бўлса, ажаб эмас. У яхшигина чавандоз эди. Москвада ўтказилган от пойгасида Жаҳон чемпиони бўлган. Аммо бу ҳақда кўпам гапиравермасди. 

От спорти, улоқ-кўпкари ҳақида гап кетганда уни тўхтатиш қийин бўларди. У жўшиб кетарди. Отлар ҳақида соатлаб гапирарди. Унинг бу соҳада етакчи мутахассис эканлигига тан бермасликнинг иложи йўқ эди.

От спорти федерациясида, улоқ-кўпкари федерациясида узоқ йиллар турли лавозимларда меҳнат қилган бу тиришқоқ инсон 60 ёшга етар етмас бандаликни бажо қилди. Фарғонанинг Бешариқ туманида туғилиб, вояга етган Жўрақўзи Турдиматовнинг орзулари бисёр эди. От спорти, уни ривожлантириш бўйича таклифлари, режалари кўп эди. Спортнинг бу туридан ҳам вакилларимиз олимпия ўйинларида иштирок этишини жон-жон деб истарди. Афсус, ҲАЁТ бешавқат экан. У энди орамизда йўқ. 2018 йил 9 сентябрда жон таслим этди. Унинг ортида оиласи, фарзандлари ўнлаб шогирдлари қолди. Хотира ва қадрлаш куни кенг нишонланаётган ушбу кунларда марҳум дўстимиз Жўрақўзи Турдиматовни озгина бўлсада, хотирладик. Унинг руҳи шод, охирати обод бўлишини Оллоҳдан сўраб қоламиз.

Ушбу фотолар унинг фаолиятидан озгина бўлсада, тасаввур беради, деган умиддамиз.

Фотолар муаллифи  Алимурод МАМАДАМИНОВ.