11 ноя 07:38
Янгиликлар

Оғир атлетика

Достон Ёқубов ҳам Перу Гран-присининг совриндорига айланди

Перу пойтахтида оғир атлетика бўйича жаҳоннинг энг кучли спортчилари ўртасида Гран-при мусобақаси бўлиб ўтди.

Мусобақанинг иккинчи кун дастурида ўрта вазнли иштирокчилар турнир ғолиблиги учун кураш олиб бордилар.

Эътиборлиси, -73 килограмм вазн тоифасида юртимиз шарафини ҳимоя қилган Достон Ёқубов 3 та бронза медалини қўлга киритди. Ҳамюртимиз даст кўтаришда 142 кг, силтаб кўтаришда 183 килограмм ва икки кураш бўйича 325 килограмм натижа қайд этди.

Эслатиб ўтамиз, ушбу мусобақа Токио Олимпиадаси учун қимматли рейтинг очколарини ҳам тақдим этди. Унда иштирок этган 3 нафар ўзбекистонлик оғир атлетикачилар турнир давомида жами 1 та олтин, 3 та кумуш ва 4 та бронза медалларига сазовор бўлишди.