Достон Ёқубов жаҳон чемпионатида олтин медални қўлга киритди

Бугун эркаклар ўртасида 69 кг. вазн тоифасида беллашувлар бўлиб ўтди. Ушбу вазнда юртимиз шарафини ҳимоя қилган Достон Ёқубов силтаб кўтаришда 179 кг. оғирликни ўзига бўйсундириб, олтин медалга сазовор бўлди.

Иккинчи ўринни кореялик спортчи Вон Жеонгсук (178 кг.) эгаллаган бўлса, бронза медали франциялик Кингуэ Матамга (178 кг.) насиб этди. Достон даст кўтаришда 135 кг. натижасини қайд этганди.

Демак, суммада ҳамюртимиз кўрсатган натижа 314 кг. оғирлик бўлди. Иккикураш якунларига кўра Корея Республикаси вакили Вон Жеонгсук (148+178=326 кг.) олтин медалга эга чиққққан бўлса, таиландлик Бунсук Таират (147+174=321 кг.) кумуш медалига лойик кўрилди.

Франциялик Кингуэ Матам (141+177=318 кг. ) эса кучли учликка якун ясаб берди. Силтаб кўтаришда олтин медаль соҳиби бўлган Достон Ёқубов иккикураш якунларига кўра (135+179=314кг.) олтинчи ўрин билан чекланди.