Дунёнинг биринчи ракеткаси 1/4 финалга чиқди

Сайёрамизнинг биринчи рақамли теннис маликаси Эшли Барти мусобақанинг чорак финалига йўл олди. Австралиялик теннисчи турнирнинг нимчорак финал учрашувида рейтингнинг 19-поғонасидан жой олиб турган америкалик Элисон Риске 6/3, 1/6, 6/4 ҳисобида мағлуб этди. 

Бир соату 36 дақиқа давом этган баҳсда 23 ёшли Барти 4, 29 яшар Риске эса 2та эйс зарбасини амалга оширган. Эшли илк бор Элисондан устун келди. Бундан аввалги икки учрашувда америкалик теннисчи зафар қучган эди. Энди Барти Australian Open турнирининг 1/4 финалида чехиялик Петра Квитовага қарши кортга чиқади.