03 сен 10:18
Янгиликлар

Теннис

Дунёнинг биринчи ракеткаси рақибини деярли сезмади

Россиялик теннисчи Даниил Медведев АҚШ Очиқ чемпионатининг 1/8 финал иштирокчисига айланди.

Сайёрамизнинг биринчи ракеткаси бироз аввал "Артур Эш Стэдиум"да якунига етган учинчи давра учрашувида ATP рейтингида 174-поғонадан жой олган хитойлик Ву Ибинни ортиқча қийинчиликсиз мағлуб этди - 6/4, 6/2, 6/2.

Уч дақиқаси кам икки соат давом этган учрашувда Медведев 12 та эйс, 5 та қўшхато, 6 та брейк, Ибин эса 1 та эйс зарбани амалга оширди. Ву қўшхатога йўл қўймаган. Энди Даниил чорак финал чиптаси учун австралиялик Ник Киргиосга қарши кортга чиқади.