Дусановада олтин, Радзивилда бу сафар бронза!

Ўз тарихида 23-маротаба ташкил этилаётган қитъа чемпионатида Ўзбекистон терма жамоаси атлетлари ҳам муносиб тарзда иштирок этишяпти. Навбатдаги медаллар баландликка сакраш секторида қўлга киритилди. 

Ушбу йўналишдаги икки машҳур спортчимиз - Светлана Радзивил ва Надия Дусанова яна шохсупага кўтарилишди. Бу сафар Дусанова 1 метру 90 сантиметр баландликни ўзига бўйсундириб, Осиё чемпионига айланди. Бир хил - 1 метру 88 сантиметр натижа қайд этган қозоғистонлик Надежда Дубовицкая ва Светлана Радзивил мос равишда кумуш ва бронза медалларини қўлга киритишди.