02 июн 20:26
Янгиликлар

Дзюдо

Душанбе Гран-присининг тантанали очилиш маросими бўлиб ўтди

Тожикистон пойтахти Душанбе шаҳри мезбонлик қилаётган Гран-При туркумига кирувчи нуфузли турнирнинг тантанали очилиш маросими ўтказилди.

Тадбирда Душанбе шаҳри ҳокими Рустам Эмомали Раҳмон, Халқаро дзюддо федерацияси президенти Мариус Визер, Тожикистон дзюдо федерацияси президенти Исмоил Маҳмадзоир ва бошқа мутасаддилар иштирок этиб, нутқ сўзлашди, дзюдочиларга омад тилашди.

Таъкидлаш жоиз, Тожикистон тарихда илк бор IJF тақвимидан ўрин олган мусобақага мезбонлик қилмоқда. Тантанали очилиш маросими якунлангач, биринчи кундан ўрин олган финал беллашувларига навбат берилди.

Дарвоқе, очилиш маросимида фахрий меҳмон сифатида енгил вазнда UFC чемпиони Ислам Махачев иштирок этди. Россиялик аралаш яккакураш устаси ғолиб ва совриндор дзюдочиларни тақдирлаш маросимида ҳам қатнашди.