19 сен 17:58
Янгиликлар
Бокс/ММА
Двалишвили Нурмагомедов билан жанг қилишни истамаётганини тушунтирди
Энг енгил вазн тоифасида UFC чемпионига айланган грузиялик аралаш яккакураш устаси Мераб Двалишвили илк ҳимоя жангини Умар Нурмагомедовга қарши ўтказиш ниятида эмас.
"Мен Фигередо билан жанг қилишни хоҳлайман, сабаби, у хавфлироқ рақиб. Умар билан жангдан кўра Дейвисон билан уришиш мени кўпроқ илҳомлантиради. Лекин мен энг яхшилар билан жанг қиламан. Мен Жозе Альдо, Петр Ян, Генри Сехудо ва бошқа юқори даражадаги жангчилар билан учрашдим. Нима деб ўйлайсиз, мен қўрқаманми ёки рақиб танлайманми? Йўқ, ундай эмас", деди Двалишвили.
UFC 306 турнирида америкалик Шон О'Мэллини мағлуб этиб, чемпионга айланган Мераб аввалроқ ҳам Нурмагомедов эмас, бразилиялик Дейвион Фигередо билан жанг қилиш истагини билдирган эди. Бироқ Умарнинг менежери Али Абдел-Азиз бунга муносабат билдирар экан, Двалишвилининг чемпионликдан кейинги илк рақиби айнан Нурмагомедов бўлишини айтганди.
Ҳавола :
Манба : VestnikMMA
Фикрлар