18 мар 12:07
Янгиликлар

Бокс/ММА

Двалишвилининг кейинги рақиби О'Мэлли бўладими? ОАВда жанг санаси ва манзили бўйича маълумот пайдо бўлди

Энг енгил вазн тоифасида UFC чемпиони, грузиялик Мераб Двалишвилининг кейинги жанги тафсилотлари ойдинлашди.

Krazy Kev MMA нашри тарқатган хабарга кўра, Двалишвилининг кейинги рақиби собиқ чемпион — Шон О'Мэлли бўлади. Жанг 8 июнь куни Ньюарк (АҚШ)да ташкил этиладиган UFC 316 турнири доирасида ўтказилади.

Бу спортчилар ўртасидаги ўзаро иккинчи жанг бўлади. 2024 йил сентябрь ойида бўлиб ўтган илк жангда Мераб очколар ҳисобига кўра ғолиб бўлганди.

Грузиялик 34 ёшли чемпион камарни қўлга киритганидан кейинги иккинчи ҳимоя жангини ўтказиши керак.