Дюплантис бир ҳафтанинг ўзида иккита жаҳон рекордини янгилади

Эътиборлиси, у ўзининг шу ҳафта ўрнатган рекордини янгилашга муваффақ бўлди. 20 ёшли Арман Шотландиянинг Глазго шаҳрида ўтказилаётган турнир доирасида бир ҳафта олдин Польшадаги рекордини бир сантиметрга янгилади. 

Дюплантис Глазгода биринчи уринишнинг ўзида 6 метру 18 сантиметр баландликни забт этди. Бир ҳафта аввал у Польшанинг Торун шаҳрида 6 метру 17 сантиметр баландликни ўзига бўйсундирган эди. 

Маълумот учун, Дюплантисга қадар жаҳон рекорди франциялик Рено Лавилленига тегишли бўлиб, у 2014 йил Донецкда 6,16 метр натижа қайд этган ва 1993 йилдан бери сақланиб келаётган афсонавий Сергей Бубкага тегишли рекорд (6,15 м)ни янгилаганди.