17 сен 18:39
Янгиликлар

Дзюдо

Дзюдо байрами яқин! Тошкент Гран-присига 3 кун қолди

Хабарингиз бор, 20-22 сентябрь кунлари пойтахтимиздаги “Ҳумо Арена” кўп тармоқли муз саройи дзюдо бўйича Тошкент Гран-присига мезбонлик қилади.

Бу йилги Гран-при турнирига сайёрамизнинг 70 га яқин мамлакатидан 500 нафардан зиёд спортчи медаллар билан бирга Токио Олимпиадасининг қимматли рейтинг очколари учун ҳам баҳсга киришади. Айни пайтда ташкилий қўмита катта дзюдо байрамини юқори савияда ўтказиш бўйича сўнгги тайёргарлик ишларини олиб бормоқда.

Режа бўйича 19 сентябрь куни Wyndham Tashkent меҳмонхонасида мусобақага қуръа ташлаш ва вазн ўлчаш маросими ўтказилади. Шунингдек, оммавий ахборот воситалари ходимлари учун матбуот анжумани ҳам ташкил этилади. Матбуот анжумани олдидан журналистларга Тошкент Гран-присини ёритиш ҳуқуқини берувчи акредитациялар топширилади.