06 июн 17:23
Янгиликлар

Дзюдо

Дзюдо бўйича аёллар терма жамоасининг Олимпиадага тайёргарлик режаси тасдиқланди + ФОТОГАЛЕРЕЯ

Ўзбекистон дзюдо федерацияси қошидаги енгил конструкцияли замонавий дзюдо залида терма жамоамиз қизлари машғулот ўтказишяпти.

Ушбу йиғин 10 июнга қадар давом этади. Режа бўйича 11 июндан ўқув-машғулот йиғини Хорватияга кўчади. Ушбу мамлакатнинг денгиз бўйидаги туристик салоҳиятга эга Пореч шаҳрида ташкил этиладиган машғулотларнинг 20 июнгача ўтказилиши режалаштирилган.

Шундан сўнг, Ўзбекистон аёллар терма жамоаси 20 июндан 6 июлга қадар дзюдо ватани Японияда ўқув-машғулот йиғинини давом эттиради. Париж-2024 Олимпиадаси олдидан сўнгги йиғин 6-14 июль кунлари юртимизда ташкил этилади. Пойтахт вилоятининг тоғли ҳудудидаги йиғинда асосий эътибор тикланиш, функционал тайёргарликка қаратилади. Дзюдочиларимиз тиббий текширувдан ўтказилади.

Терма жамоамиз 14 июль куни Францияга жўнаб кетади ва 25 июлга қадар Париж -2024 Олиимпиадасига якуний тайёргарликка киришади.