Дзюдо бўйича жаҳон чемпионатида иштирок этувчи таркибимиз аниқ

Япониянинг Токио шаҳри 25 август – 1 сентябрь кунлари дзюдо бўйича навбатдаги жаҳон чемпионатига мезбонлик қилади.

Мазкур дунё биринчилиги келаси йили айнан ушбу шаҳарда бўлиб ўтадиган навбатдаги Олимпия ўйинларига энг йирик лицензион очко берувчи мусобақа бўлгани унинг аҳамиятини яна бир карра кўтариб беради. Сайёрамизнинг 152 мамлакатидан 1000 га яқин дзюдо усталари ташриф буюрадиган жаҳон чемпионатида Ўзбекистон терма жамоаси ҳам ўзининг оптимал таркиби билан иштирок этади. Эътиборингизга мусобақада қатнашадиган вакилларимиз рўйхатини ҳавола қиламиз:

-60 кг: Шарофиддин Лутфиллаев
-60 кг: Диёрбек Ўрозбоев
-66 кг: Шаҳрам Аҳадов
-66 кг: Сардор Нуриллаев
-73 кг: Ҳикматиллоҳ Тўраев
-81 кг: Шарофиддин Болтабоев
-90 кг: Яҳё Имомов
-100 кг: Муҳаммадкарим Хуррамов
+100 кг: Бекмурод Олтибоев
-52 кг: Диёра Келдиёрова
-70 кг: Гулноза Матниязова

Ҳамюртларимиз эртага Япониянинг Майдзуру шаҳрига йўл олишади. Терма жамоамиз у ерда 1 ҳафталик ўқув-машғулот йиғинини олиб боради ва 23 август куни Токио шаҳрига етиб келади. Ўзбекистон Миллий олимпия қўмитаси бўлажак масъулиятли мусобақада терма жамоамиз вакилларига улкан ғалабалар ёр бўлишини тилаб қолади.