25 май 11:13
Янгиликлар

Дзюдо

Дзюдо бўйича жамоавий йўналишдаги жаҳон чемпионатида ғолиб ва совриндорлар маълум ФОТОГАЛЕРЕЯ

БАА пойтахти Абу-Даби шаҳри мезбонлигида бир ҳафта давом этган дзюдо бўйича катталар ўртасидаги жаҳон чемпионати якунланди.

Ҳисоб бўйича 37-жаҳон чемпионатининг сўнгги куни терма жамоалар ўртасидаги аралаш микс баҳслари бўлиб ўтди. Дунёнинг 13 давлати иштирок этган мусобақа якунида кутиланидек, Япония терма жамоаси жаҳон чемпионлигини қўлга киритди. Дзюдо ватани вакиллари финал баҳсида Франция терма жамоасини мағлуб этишди.

Афсуски, бронза медаллари учун кечган баҳсларда Ўзбекистон терма жамоаси италиялик дзюдочиларга 2-4 ҳисобида имкониятни бой бериб, жаҳон чемпионатидаги иштирокини кучли бешликда якунлади. Иккинчи бронза медали учун баҳсда эса Грузия терма жамоаси германиялик дзюдочилардан устун келди.