Дзюдо бўйича Ўзбекистон аёллар терма жамоаси Хорватияга жўнаб кетди

Энди Марко Спиттка шогирдлари Хорватиянинг денгиз бўйидаги Пореч шаҳрида 20 июнгача ўтказиладиган ўқув-машғулот йиғинида Париж-2024 Олимпиадасига тайёргарликни давом эттиради.  

Хорватияга йўл олган таркиб: Ҳалимажон Қурбонова, Диёра Келдиёрова, Шукуржон Аминова, Фотима Турсунбоева, Гулноза Матниязова, Ирисхон Қурбонбоева, Шинар Ибраева

Мураббийлар - Марко Спитка, Мики Танака

Шифокор - Стромм Нелли

Шундан сўнг, 20 июндан 6 июлга қадар дзюдо ватани Японияда ўқув-машғулот йиғини давом эттирилади. Кейинги машғулот 6-14 июль кунлари юртимизда ташкил этилади. Пойтахт вилоятининг тоғли ҳудудидаги йиғинда асосий эътибор тикланиш, функционал тайёргарликка қаратилади. Дзюдочиларимиз тиббий кўрикдан ўтказилади. 

Терма жамоамиз 14 июль куни Францияга жўнаб кетади ва 25 июлга қадар Париж -2024 Олиимпиадасига якуний тайёргарликка киришади.