Дзюдо бўйича Ўзбекистон чемпионати бошланди

Қорақалпоғистон Республикаси, барча вилоятлар ҳамда Тошкент шаҳридан жам бўлган сара дзюдочилар уч кун давомида жами 14 та (7 та аёллар, 7 та эркаклар) вазнда йилни Ўзбекистон чемпиони сифатида якунлаш учун баҳс олиб борадилар.

Регламентга кўра, дастлабки кун енгил вазн тоифасидаги спортчилар татамига чиқишади. Бугун эркаклар ўртасида -60, -66, аёллар ўртасида -48, -52, -57 кг вазн тоифаларида ғолиб ва совриндорлар номи маълум бўлади.

Чемпионатнинг саралаш беллашувлари соат 10:00 да старт олди. Финал беллашувлари эса соат 17:00 да бошланади.