Дзюдо бўйича Ўзбекистон кубогида умумжамоа ҳисобида совриндор учлик қандай кўринишда бўлди?

"Геолог" аренасида ўтган мусобақада Қорақалпоғистон Республикаси, барча вилоятлар ҳамда Тошкент шаҳридан келган 600 нафардан зиёд дзюдочи иштирок этди. 

Уч кунлик муросасиз беллашувлар якунига кўра, Хоразм вилояти терма жамоаси битта олтин медаль кўпроқ қўлга киритгани эвазига умумжамоа ҳисобида биринчи ўринни эгаллади. Хоразм жамоасининг бу муваффақиятига ҳар доимгидек дзюдочи қизлар ҳисса қўшишди. Хоразмликлар 3 тадан олтин, кумуш ҳамда бронза медалларига сазовор бўлишди. 

Қашқадарё вилояти терма жамоаси иккинчи ўринни банд этди. Ўзбекистон кубоги мезбонлари 2 та олтин, 3 та кумуш, 9 та бронза медалига эга чиқишди. Бухоро ва Самарқанд вилояти терма жамоалари кучли учликка якун ясаб беришди. Жамоаларга кубокларни Қашқадарё вилояти Спорт бошқармаси бошлиғи Ваҳоб Рўзиев топширди.