22 сен 07:52
Янгиликлар

Дзюдо

Дзюдо. Жаҳон чемпионатининг иккинчи куни ҳам омадсиз

Озарбайжон пойтахти Боку шаҳрида дзюдо бўйича йилнинг энг нуфузли мусобақаси - жаҳон чемпионати бўлиб ўтмоқда.

Сайёрамизнинг 131 мамлакатидан 800 нафарга яқин спортчи иштирок этаётган нуфузли мусобақада ўзбекистонлик полвонлар ҳам совринли ўринлар учун кураш олиб боришяпти.

Афсуски, жаҳон чемпионатининг иккинчи кунги баҳслари ҳам худди биринчи кунда бўлгани каби ўта омадсиз келди. -66 кг вазн тоифасида татамига чиққан Сардор Нуруллаев иккинчи босқичда исроиллик Тал Фликкерга имкониятни бой берди. -52 кг вазндаги Гулноза Зияева эса мўғулистонлик Хорлоодой Бишрелтга ютқазиб қўйди.

Жаҳон чемпионатининг илк куни медаллардан бирига даъвогар сифатида кўрилган Шарофиддин Лутфуллаев (-60 кг) иккинчи учрашувида қирғизистонлик Отар Бестаевга, Маржона Салоҳиддинова (-48кг) эса мўғулистонлик Уранцегцег Мунхбатга имкониятни бой берган эди.