Дзюдо. Лутфуллаев финалда, Тиловов бронза учун курашади

-60 кг вазн тоифасидаги терма жамоамиз аъзоси Шарофиддин Лутфуллаев финал учрашуви йўлланмасини қўлга киритди. Лутфуллаев ярим финал беллашувида мўғулистонлик рақиби Ариунболд Энхтайванни икки дақиқада иппон баҳоси билан мағлубиятга учратди ва финалга чиқди. Бу билан у камида кумуш медални нақд қилди.

Иштирокини тўғридан-тўғри иккинчи босқичдан бошлаган Шарофиддин аввалига словениялик Матьяж Трбович, кейин эса туркманистонлик Ҳақберди Жумаев, қозоғистонлик Даурен Сюкеновни енгишга муваффақ бўлганди.

-66 кг вазн тоифасида юртимиз шарафини ҳимоя қилаётган дзюдочимиз Муҳриддин Тиловов ярим финал учрашувида мағлубият аламини тотиб кўрди. Муҳриддин ярим финалда испаниялик Альберто Мартин Гайтерога қўшимча бўлимда, яъни олтин очко учун кечган баҳсда ютқазиб қўйди. Энди Тиловов франциялик Килиан ле Блоучга қарши татамига чиқади.

Ўзбекистон дзюдо федерацияси матбуот хизмати