Дзюдо. Осиё чемпионатига йўл оладиган терма жамоамиз таркиби маълум

Қитъа чемпионати ҳам яккалик, ҳам жамоавий йўналишда ташкил этилади. Бугунга келиб ушбу нуфузли мусобақада иштирок этиш истагини Осиёнинг 36 давлати терма жамоалари билдирган. Бу мамлакатлар ҳозирча жами 274 нафар (166 эркак, 108 аёл) дзюдочини рўйхатдан ўтказган. Ушбу рўйхат ҳали бир неча маротаба ўзгариши ҳам мумкин. 

Илиас Илиадис бошчилигидаги Ўзбекистон терма жамоаси мураббийлар штаби ҳам Осиё чемпионатига дзюдочиларни рўйхатдан ўтказди. Таркибимиздан 17 нафар (9 эркак, 8 аёл) дзюдочи жой олган. Ҳиндистон, Мўғулистон, Қозоғистон ва Корея Республикаси федерациялари максимал - 18 нафардан дзюдочини IJF сайтида рўйхатдан ўтказган.

Таъкидлаш жоиз, ҳали терма жамоамизда ўзгаришлар бўлиши мумкин. Етакчилардан Давлат Бобоновва Алишер Юсупов таркибда йўқ. Анталия "Катта Дубулға" турнирида кўрсатилган натижадан келиб чиқсак, таркибда ўзгаришлар бўлиш эҳтимоли юқори.          

Осиё чемпионатига йўл оладиган таркибимиз:

Аёллар

-48 кг: Ҳалимжон Қурбонова

-52 кг: Сита Кадамбаева

-52 кг: Диёра Келдиёрова 

-57 кг: Шукуржон Аминова

-70 кг: Гулноза Матниязова

-70 кг: Шоҳиста Назарова

-78 кг: Ирисхон Қурбонбоева

+78 кг: Рината Илматова

Эркаклар 

-60 кг: Дилшодбек Баратов

-60 кг: Достон Рўзиев

-66 кг: Муҳриддин Тиловов

-66 кг: Сардор Нуриллаев

-73 кг: Муроджон Йўлдошев

-73 кг: Шаҳрам Аҳадов

-81 кг: Нурбек Муртазоев

-81 кг: Шарофиддин Болтабоев

-100 кг: Музаффарбек Тўрабоев