12 дек 10:17
Янгиликлар

Дзюдо

Дзюдо. Шарофиддининг ғалабали юриши давом этмоқда, Диёрбек эса...

Хитойнинг Циндао шаҳрида "Мастерс" сериясига кирувчи нуфузли турнирнинг биринчи кунги баҳслари давом этмоқда.

Аввалроқ, -60 кг вазнли дзюдочимиз Шарофиддин Лутфуллаев илк жангида хитойлик рақибини мағлуб этгани ҳақида хабар қилгандик. Ҳозиргина ҳамюртимиз бразилиялик кучли рақиб - Фелипе Китадаига қарши жанг қилди ва иккинчи ғалабасига эришди. Энди Шарофиддин ярим финал йўлланмаси учун россиялик Роберт Мшвидобадзега қарши татамига чиқади.

Мусобақада -60 кг вазн тоифасида юртимиз шарафини ҳимоя қилаётган Диёрбек Ўрозбоев иккинчи даврада британиялик Эшли Маккензига қарши жанг қилди ва имкониятни бой бериб қўйди.

Эслатиб ўтамиз, у мусобақадаги илк жангида амалдаги жаҳон чемпиони Лукхуми Чхвимианини мағлуб этганди.