Дзюдо ва боксчиларимиз қўшма машғулот ўтказишди ФОТОГАЛЕРЕЯ

Хабарингиз бор, 23 октябрь куни Венгрия пойтахти Будапешт шаҳрида карантин кейинги узоқ кутилган халқаро дзюдо рестарти бўлиб ўтади. Будапешт "Катта Дубулға" турнирида Ўзбекистон терма жамоасининг 10 нафар аъзоси ҳам иштирок этади. Муҳим мусобақа олдидан дзюдочиларимиз ўзига хос машғулот ўтказишди. 

Очиғи, бундай машғулотга аввал гувоҳ бўлмаган эдик. Ҳар икки федерация раҳбарларининг ташаббуси билан ташкил этилган қўшма машғулотни Ўзбекистон Миллий олимпия қўмитаси президенти Рустам Шоабдураҳмонов ҳам бевосита спорт залида кузатиб борди ва анча илиқ фикрларни билдирди. 

Албатта, дзюдочилар томонидан айтадиган бўлсак, бу машғулотнинг спортчиларимиз учун фойдаси катта бўлди. Терма жамоада анчадан бери бокс бўйича тажрибали мураббий, Ўзбекистон Республикасида хизмат кўрсат спорт устози Абдували Шомирзаев фаолият юритмоқда. Бу бежиз эмас, албатта. Боксдаги рақибга чап бериш, тезкорлик, чидамлилик каби хислатларни дзюдочиларимиз мураббий ёрдамида ўзлаштириб олишди. Бугунги қўшма машғулот эса бир неча ой давомида орттирилган тажрибаларини янада бойитишга хизмат қилди.          

Ўйлаймизки, бу машғулотларнинг самараси Будапешт татамиларида кўринади. Дзюдочиларимиз Венгриядан медаллар шодаси билан қайтишади.