Дзюдочиларимиз 20 та медаль билан умумжамоа ҳисобида биринчи бўлишди. Қозоғистон 9 та олтин медалга ортда қолдирилди + ФОТОГАЛЕРЕЯ

Икки кун давомида Иордания заминида 11 маротаба давлатимиз мадҳияси янграб, байроғимиз баланд кўтарилди. Ўзбекистон кадетлар терма жамоаси 11 та олтин, 4 та кумуш, 5 та бронза, жами 20 та медаль билан Осиёнинг 20 давлати орасида умумжамоа ҳисобида 1-ўринни эгаллади. 

Иккинчи ўриндаги Қозоғистон терма жамоаси ҳисобида 2 та олтин, 7 та кумуш, 6 та бронза медали бор. Кучли учликка 2 та олтин ва 2 та бронза медали билан Эрон кадетлари якун ясаб берди. Осиё чемпионатида қатнашган 20 давлат делегацияларининг тенг ярми Иорданиядан камида битта бронза медали билан қайтадиган бўлди.     

Таққослаш учун, ўтган йили Индонезияда ўтган ва 21 давлат қатнашган Осиё чемпионатида Ўзбекистон ўсмирлар терма жамоаси 7 та олтин, 3 та кумуш, 8 та бронза, жами 18 та медаль умумжамоа ҳисобида 1-ўринни банд этган эди.