14 окт 13:28
Янгиликлар

Дзюдо

Дзюдочиларимиз Абу-Даби "Катта Дубулға" турнирини 2 та медаль билан якунлашди + ФОТО

Кеча БААнинг Абу-Даби шаҳрида дзюдо бўйича "Катта Дубулға" турнири ўз якунига етди.

Мусобақанинг сўнгги куни оғир вазн тоифасидаги баҳслар ташкил этилди.

Кеча юртдошларимиздан +100 кг вазнда курашган Ўткирбек Тўрабоев бронза медали соҳибига айланди. У нейтрал мақомда курашган россиялик таниқли дзюдочи Тамерлан Башаевдан устун келди ва илк бор ушбу таснифдаги турнирда медаль қўлга киритди.

Шу тариқа, дзюдо бўйича Ўзбекистон терма жамоаси Абу-Даби "Катта Дубулға" турнирини 2 та бронза медали билан якунлади. Мусобақанинг илк куни Муҳриддин Тиловов (-66 кг) ҳам бронза медалига сазовор бўлган эди. Бу билан терма жамоамиз БААдаги турнирни 13-ўринда якунлади.