19 сен 13:21
Янгиликлар

Дзюдо

Дзюдочиларимиз Жаҳон чемпионатига тайёргарликни Термизда давом эттиришяпти ФОТОГАЛЕРЕЯ

Шу кунларда дзюдо бўйича Ўзбекистон ёшлар терма жамоаси Сурхондарё вилояти маркази ҳисобланган Термиз шаҳрида машғулот ўтказмоқда.

Ушбу ўқув-машғулот йиғини 2-6 октябрь кунлари Тожикистон пойтахти Душанбе шаҳрида ўтказиладиган жаҳон чемпионатига сўнгги тайёргарлик босқич вазифасини ўтаб беряпти. Мураббийлар Искандар Расулов, Камол Муродов, Диёрбек Ўразбоев дзюдочиларни йилнинг бўлажак энг нуфузли мусобақасига ҳам жисмонан, ҳам руҳан тайёрлашга алоҳида эътибор қаратишмоқда.

Термиздаги машғулотларни Сурхондарё вилояти терма жамоаси мураббийи, яқин ўтмишнинг кўзга кўринган дзюдочиларидан, жаҳон чемпионатининг кумуш медали совриндори Шарофиддин Лутфуллаев ҳамда унинг адаши Шарофиддин Болтабоевлар кузатиб боришяпти.